အာစရိယပူဇော်ပွဲနှင့် ပညာရည်ချွန်ဂုဏ်ပြုလက်မှတ် ပေးအပ်ချီးမြှင့်ပွဲအခမ်းအနား ကျင်းပ

မန္တလေး၊ အောက်တိုဘာ ၁၁

နိုင်ငံတော်ပရိယတ္တိသာသနာ့တက္ကသိုလ် (မန္တလေး)၊ မဟာဘွဲ့နှင်းသဘင်ခန်းမ၌ ၁၃၈၇-၁၃၈၈ ခု၊ ပညာသင်နှစ် စတုတ္ထနှစ်သင်တန်းသားများဦးဆောင်၍ အာစရိယပူဇော်ပွဲနှင့် ပညာရည်ချွန်ဂုဏ်ပြုလက်မှတ် ပေးအပ်ချီးမြှင့်ပွဲအခမ်းအနား ယနေ့နံနက်ပိုင်းတွင် ကျင်းပ သည်။

အခမ်းအနားသို့ နိုင်ငံတော်ပရိယတ္တိသာသနာ့တက္ကသိုလ်(မန္တလေး) ပါမောက္ခချုပ် ဆရာတော် (အဂ္ဂမဟာပဏ္ဍိတ)ဒေါက်တာဘဒ္ဒန္တကေသရ အမှူးပြုသော သင်ကြား/စီမံ ဆရာတော်များ၊ ၁၃၈၆-၁၃၈၇ ခု၊ ပညာသင်နှစ်တွင် အတန်းအသီးသီး၌ ပထမ၊ ဒုတိယ၊ တတိယ ရရှိတော်မူကြသော သံဃာတော်(၁၈)ပါးနှင့် အတန်းအသီးသီးက စာသင်သား သံဃာတော် ကြွရောက်တော်မူကြသည်။

အခမ်းအနားတွင် အတန်းအသီးသီးမှ သင်တန်းသားသံဃာတော်များက ဩကာသ ကန်တော့ကျိုးဖြင့် ရှိခိုးဦးခိုက်ပူဇော်ခဲ့၍ ပါမောက္ခချုပ်ဆရာတော်အမှူးပြုသော သင်ကြား/စီမံဆရာတော်များက ချီးမြှင့် ကထာများရွတ်ဆိုဆုပေးကြပြီး ပါမောက္ခချုပ်ဆရာတော်ထံမှ ဆုံးမဩဝါဒကထာနာယူကာ အတန်း အသီးသီးမှ အထူးအောင်သံဃာတော်များကို ပါမောက္ခချုပ်ဆရာတော်နှင့် ဒုတိယပါမောက္ခချုပ်(စီမံ/ဘဏ္ဍာ)မှ အထူးအောင်ဂုဏ်ပြုလွှာများနှင့် ဂုဏ်ပြုဆုငွေများ အသီးသီး ပေးအပ်လှူဒါန်းခဲ့ကြသည်။

အာစရိယပူဇော်ပွဲနှင့် ပညာရည်ချွန်ဂုဏ်ပြုလက်မှတ် ပေးအပ်ချီးမြှင့်ပွဲအခမ်းအနား ကျင်းပပြုလုပ် နေသည့် မှတ်တမ်းဓာတ်ပုံများ