၃၁-၈-၂၀၂၄ ရက်နေ့မှ ၁-၉-၂၀၂၄ ရက်နေ့အထိ နိုင်ငံတော်ပရိယတ္တိသာသနာ့တက္ကသိုလ် (ရန်ကုန်) မဟာဘွဲ့နှင်းသဘင်ခန်းမတွင် သင်ကြား/စီမံ ဆရာတော်များ၊ သင်တန်းသားသံဃာတော် များနှင့် ဝန်ထမ်းများကို American Vision မျက်စိဆေးရုံမှ ဆရာဝန်ကြီးများအဖွဲ့က မျက်စိ ကျန်းမာရေးစစ်ဆေးပေးခြင်းနှင့် မျက်မှန်ပါဝါ အခမဲ့စမ်းသပ်စစ်ဆေးပေးခြင်းများ ပြုလုပ်ပေး ခဲ့ပါသည်။
အဆိုပါ စမ်းသပ်စစ်ဆေးမှုများ ပြုလုပ်ပေးရာတွင် မျက်စိခွဲစိတ်ကုသရန်လိုအပ်သော သင်ကြား/ စီမံ ဆရာတော် ၅ ပါးအတွက် ခွဲစိတ်ကုသမှုကုန်ကျစရိတ်ကို အလှူရှင် ကိုအောင်ပြည့်စုံ + မမျိုးရတနာထိုက် မိသားစုနှင့် သူငယ်ချင်းများမှ လှူဒါန်းပေးမည်ဖြစ်ပြီး မျက်စိအတွင်းတိမ်နှင့် မျက်စိ အတွင်းပိုင်းရောင် ရောဂါအထူးကုဆရာဝန်ကြီး တွဲဖက်ပါမောက္ခ ဒေါက်တာမေဇွန်အောင်ဝင်းက ဆရာတော်ကြီးများ၏ဆန္ဒအရ ၁၃၈၅-၁၃၈၆(၂၀၂၃-၂၀၂၄)ပညာသင်နှစ် အတန်းတင်စာမေးပွဲ ကျင်းပပြီး ပါက ခွဲစိတ်ကုသမှုများပြုလုပ်ပေးမည်ဖြစ်ကြောင်း သိရှိရသည်။

နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)၏ ၁၃၈၅-၁၃၈၆(၂၀၂၃-၂၀၂၄)ပညာသင်နှစ် ဒုတိယနှစ်ဝက် သင်တန်းသားသံဃာတော်များအား ဘာသန္တရစာပေနှင့် ဘာသာစကား တတ်မြောက် ကျွမ်းကျင်စေရန်ရည်ရွယ်၍ သင်တန်းသားသံဃာတော်များ၏ အင်္ဂလိပ်ဘာသာဖြင့် ပညာရေး အထောက်အကူပြု စတုတ္ထအကြိမ်ဟောပြောဆွေးနွေးပွဲကို ၁-၉-၂၀၂၄ ရက်နေ့၊ ၁၇ ၃၀အချိန်တွင် မဟာဘွဲ့နှင်းသဘင်ခန်းမ၌ ကျင်းပပြုလုပ်သည်။
ဟောပြောဆွေးနွေးပွဲတွင် နိုင်ငံတော်ပရိယတ္တိသာသနာ့တက္ကသိုလ်(ရန်ကုန်) ဒုတိယပါမောက္ခချုပ် (သင်ကြား)ဆရာတော် ဒေါက်တာဘဒ္ဒန္တဇောတိက၊ မော်ကွန်းထိန်းဆရာတော် ဘဒ္ဒန္တသုမန၊ ပိဋကတ်ဆိုင်ရာအင်္ဂလိပ်စာပေဌာနမှ ပါမောက္ခ/ဌာနမှူးဆရာတော် ဘဒ္ဒန္တတေဇနိယနှင့် တွဲဖက် ပါမောက္ခဆရာတော် ဒေါက်တာဘဒ္ဒန္တကောဏ္ဍညတို့က သဘာပတိ အဖြစ်ဆောင်ရွက်တော်မူပြီး ပထမနှစ်သင်တန်းသား အရှင်ကောသိယ က The Importance of Morality in Buddhism ခေါင်းစဉ်ဖြင့် ဟောပြောဆွေးနွေးကာ တက်ရောက်လာကြသော သင်တန်းသားသံဃာတော်များက သိလိုသည်များကို မေးမြန်ဆွေးနွေး ဖြေကြားခဲ့သည်။

နိုင်ငံတော်ပရိယတ္တိသာသနာ့တက္ကသိုလ်(ရန်ကုန်) သင်ကြား/စီမံဆရာတော်များ၊ သင်တန်းသားသံဃာတော်များနှင့် ဝန်ထမ်းမိသားစုများကို ကျန်းမာရေးအသိပညာ ဗဟုသုတတိုးပွားစေရန်ရည်ရွယ်၍ “အစာအဟာရနှင့်ကျန်းမာရေး” ခေါင်းစဉ်ဖြင့် ဟောပြောပွဲကို ၂၅-၈-၂၀၂၄ ရက်နေ့၊ ၁၇:၀၀ နာရီတွင် မဟာဘွဲ့နှင်းသဘင်ခန်းမ၌ ကျင်းပရာ ဆရာဝန်ကြီး ဒေါက်တာ ကျော်ဝင်းစိန် MBBS(Yangon), MPH(Mahidol Bangkok), IDHA(Geneva Switzerland), PGCERTBF(London)က ဟောပြောဆွေးနွေးခဲ့ပြီး တက်ရောက်လာကြသော ဆရာတော်များ၊ သင်တန်းသားသံဃာတော်များနှင့် ဝန်ထမ်းများက သိရှိလိုသည်များကိုမေးမြန်းဆွေးနွေးခဲ့ကြကြောင်း သိရှိရသည်။

နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)၏ ပညာသင်ကြားရေးနှင့်စပ်လျဉ်းသည့် လိုအပ်ချက်၊ ဆောင်ရွက်ချက်များကို ဆွေးနွေးဆုံးဖြတ်နိုင်ရေးအတွက် တက္ကသိုလ်ပညာ သင်ကြားရေးနှင့် စီမံခန့်ခွဲရေးအဖွဲ့အစည်းအဝေး(၄/၂၀၂၄)ကို ၂၁-၈-၂၀၂၄ ရက်နေ့တွင် မဟာဘွဲ့နှင်းသဘင်ခန်းမ၌ကျင်းပပြုလုပ်ရာ တက္ကသိုလ်ပညာသင်ကြားရေးနှင့်စီမံခန့်ခွဲရေးအဖွဲ့ ဥက္ကဋ္ဌ နိုင်ငံတော်ပရိယတ္တိသာသနာ့တက္ကသိုလ်(ရန်ကုန်) ပါမောက္ခချုပ်ဆရာတော်အမှူးပြုသော ဒုတိယပါမောက္ခချုပ်(သင်ကြား/စီမံ)ဆရာတော်များ၊ ပါမောက္ခ/ဌာနမှူးဆရာတော်များ ကြွရောက် တော်မူကြပြီး ပြင်ပညာရှင်ဆရာကြီးများ၊ ညွှန်ကြားရေးမှူးအဆင့်ဆင့်နှင့် ဦးစီးအရာရှိများ တက်ရောက်ခဲ့ကြကြောင်းသိရှိရသည်။

နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)၊ ၁၃၈၅-၁၃၈၆(၂၀၂၃-၂၀၂၄)ပညာသင်နှစ် သင်ကြား/စီမံဆရာတော်များ၏ မျက်နှာစုံညီအစည်းအဝေး(၃/၂၀၂၄)ကို ၂၀-၈-၂၀၂၄ ရက်နေ့၊ ၁၆ ၀၀ အချိန်တွင် မဟာဘွဲ့နှင်းသဘင်ခန်းမ၌ ကျင်းပပြုလုပ်ခဲ့ရာ ပါမောက္ခချုပ်ဆရာတော်အမှူးပြုသော သင်ကြား/စီမံဆရာတော်များ တက်ရောက်ခဲ့ကြပြီး တက္ကသိုလ်ပညာသင်ကြားရေးနှင့် စီမံရေးရာ ကိစ္စရပ်များကို အကြံပြုဆွေးနွေးခဲ့ကြကြောင်း သိရှိရသည်။