နိုင်ငံတော်ပရိယတ္တိသာသနာ့တက္ကသိုလ်(မန္တလေး)ဌာနခွဲ၏ လုပ်ငန်းဆောင်ရွက်ချက်များ

သာသနာရေးနှင့်ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီးနှင့် အမြဲတမ်းအတွင်းဝန်တို့သည် ၃-၅-၂၀၂၄ ရက်နေ့၊ ၀၉၀၀ နာရီအချိန်တွင် နိုင်ငံတော်ပရိယတ္တိသာသနာ့တက္ကသိုလ်(မန္တလေး) ပါမောက္ခချုပ်ဆရာတော် အဂ္ဂမဟာပဏ္ဍိတ ဒေါက်တာဘဒ္ဒန္တကေသရ ၊ ဒုတိယပါမောက္ခချုပ် (သင်ကြား/စီမံ)ဆရာတော်များနှင့် မော်ကွန်းထိန်းဆရာတော်တို့အား ဖူးမြော်ကြည်ညို၍ ပိဋကတ်သုံးပုံ ပါဠိတော် အဋ္ဌကထာ(၅၁)အုပ်ကို ဆဋ္ဌမူအတိုင်း ကွန်ပျူတာစာမူစာအုပ်များထုတ်ဝေနိုင်ရေး ကြိုးပမ်း ဆောင်ရွက်နေမှုအခြေအနေများကို လျှောက်ထားရာ ပါမောက္ခချုပ်ဆရာတော်မှ အဋ္ဌကထာစာအုပ် (၅၁)အုပ်ကို အမြန်ဆောင်ရွက်နိုင်ရေးအတွက် ဆရာတော်တို့အနေဖြင့် အမြန်ဆုံးစိစစ်ဆောင်ရွက် ပေးသွားမည်ဖြစ်ပါကြောင်း သြဝါဒပေးပြီးနောက် ပြည်ထောင်စုဝန်ကြီးနှင့် အမြဲတမ်းအတွင်းဝန် တို့သည် ပါမောက္ခချုပ်ဆရာတော်၊ ဒုတိယပါမောက္ခချုပ်ဆရာတော်(သင်ကြား/စီမံ)ဆရာတော်များနှင့် မော်ကွန်းထိန်းဆရာတော်တို့အား လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့သည်။