အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ်မှ သင်တန်းသားများ နိုင်ငံတော်ပရိယတ္တိ သာသနာ့တက္ကသိုလ်(ရန်ကုန်)သို့ လေ့လာရေးခရီးရောက်ရှိ

အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ်၌ ၂၀၂၃-၂၀၂၄ ပညာသင်နှစ်တွင် ဒီပလိုမာ(ဗုဒ္ဓဓမ္မ) သင်တန်းတက်ရောက်လျက်ရှိသော ပြည်တွင်း၊ ပြည်ပနိုင်ငံများမှ သင်တန်းသား ရဟန်း ၅၉ ပါး၊ သီလရှင် ၁၈ ပါး၊ အမျိုးသား ၇ ဦး၊ အမျိုးသမီး ၆ ဦးနှင့် ကြီးကြပ်သူ ၁၅ ဦး၊ စုစုပေါင်း ၁၀၅ ဦး တို့သည် ၁၂-၈-၂၀၂၃ ရက်နေ့၊ ၁၄:၀၀ နာရီအချိန်တွင် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်)သို့ လေ့လာရေးခရီးစဉ်အဖြစ်ရောက်ရှိခဲ့သည်။

လေ့လာရေးခရီးစဉ်တွင် နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)မှ ဒုတိယပါမောက္ခချုပ်(သင်ကြား)ဆရာတော်က တက္ကသိုလ်သမိုင်းအကျဉ်းကို ရှင်းလင်းဟောပြော၍ စုပေါင်း မှတ်တမ်းတင်ဓာတ်ပုံရိုက်ကူးပြီး တာဝန်ရှိသူများက လေ့လာလိုသည့် စာသင်သားများအား စာသင်သားကျောင်းဆောင်တွင် စာသင်ကြားပို့ချနေမှု၊ စာကြည့်တိုက်တွင် ပိဋကတ်စာအုပ်များ ထိန်းသိမ်းထားရှိမှုနှင့် မင်းကွန်းရုပ်တုဆောင်တွင် မင်းကွန်းဆရာတော်ဘုရားကြီး၏ပုံတူ ပူဇော်ထားရှိမှုတို့ကို လိုက်လံရှင်းလင်း ပြသခဲ့ပြီး ရဟန်း၊ သီလရှင်နှင့် လူပုဂ္ဂိုလ်တို့အား ဖျော်ရည်၊ ရေသန့်နှင့် မုန့်များလှူဒါန်းခဲ့ကြောင်းသိရှိရသည်။