ပါမောက္ခချုပ်ဆရာတော်နှင့် ဒုတိယပါမောက္ခချုပ်(သင်ကြား)ဆရာတော်(၂)ပါးတို့၏ သက်တော်(၇၅)နှစ်ပြည့်စိန်ရတုဝိဇာတမွေးနေ့ပူဇော်ပွဲအခမ်းအနားကျင်းပ

၂၅-၁၂-၂၀၂၅ ရက်နေ့၊ ညနေ(၁၅:၀၀)နာရီအချိန်တွင် နိုင်ငံတော်ပရိယတ္တိသာသနာ့ တက္ကသိုလ်(မန္တလေး)ဌာနခွဲ၊ ကျိုက်လတ်ဓမ္မသာလာဆွမ်းစားကျောင်းဆောင်၌ ပါမောက္ခချုပ် ဆရာတော်ဒေါက်တာ ဘဒ္ဒန္တကေသရ(အဂ္ဂမဟာပဏ္ဍိတ)နှင့် ဒုတိယပါမောက္ခချုပ်(သင်ကြား) ဆရာတော်ဒေါက်တာဘဒ္ဒန္တ ဉာဏာလင်္ကာရာဘိဝံသ (အဂ္ဂမဟာပဏ္ဍိတ) (၂)ပါးတို့၏ သက်တော် (၇၅) နှစ်ပြည့်စိန်ရတုဝိဇာတမွေးနေ့ပူဇော်ပွဲအခမ်းအနား ကျင်းပပြုလုပ်ခဲ့ရာ ဒုတိယပါ မောက္ခချုပ်(စီမံ) ဆရာတော်အမှူးပြုသော သင်ကြား/စီမံဆရာတော်များ၊ အတန်းအသီးသီးမှ စာသင်သားသံဃာတော်များ၊ တပည့်ဟောင်းသံဃာတော်များနှင့် ညွှန်ကြားရေးမှူး ဦးဆောင်သည့် အရာထမ်း၊ အမှုထမ်းများက ဩကာသကန်တော့ချိုးဖြင့် ရှိခိုးကန်တော့ခဲ့ကြ၍ စိန်ရတုမွေးနေ့ ရှင်ဆရာတော်(၂)ပါးတို့မှ ဩဝါဒကတာများမိန့်ကြားချီးမြှင့်ခဲ့ပြီး တပည့်သံဃာတော်များနှင့် ဝန်ထမ်းများက လှူဖွယ်ပစ္စည်းများ၊ နဝကမ္မဝတ္ထုငွေများနှင့် ကျောက်စီ ပုံတူပန်းချီကားချပ်များ ဆက်ကပ်လှူဒါန်းခဲ့ရာ ပါမောက္ခချုပ်ဆရာတော်ထံမှရေစက်သွန်းချ အနုမောဒနာ တရားနာယူ ကြည်ညို၍ ညနေ(၁၆:၃၀)နာရီအချိန်တွင် အခမ်းအနားကို ရုပ်သိမ်းခဲ့ကြောင်းသိရသည်။