သာသနာတော်ထွန်းကားပြန့်ပွားရေးဦးစီးဌာန၊ ပြည်ပသာသနာပြုဌာနခွဲ(ရန်ကုန်)သို့ ၅-၄-၂၀၂၄ ရက်နေ့၊ ၁၁:၃၀ အချိန်တွင် သံအမတ်ကြီးဟောင်း ဦးစောလှမင်း နာယကအဖြစ်ဆောင်ရွက်သည့် ဂျပန်-မြန်မာချစ်ကြည်ရေးအသင်းမှ ဒေါက်တာဌေးလွင် ဦးဆောင်သော ကျောင်းသား/ကျောင်းသူ ၃၀ ဦး တို့သည် ဗုဒ္ဓယဉ်ကျေးမှုပြတိုက်နှင့် ပိဋကတ်တိုက်တို့အား လာရောက်လေ့ကြကြောင်းသိရှိရသည်။

နိုင်ငံတော်ပရိယတ္တိသာသနာ့တက္ကသိုလ်များ မဟာဝိဇ္ဇာကျမ်းပြုလက်စွဲစာအုပ် ရေးသား ထုတ်ဝေရန် နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)၊ တက္ကသိုလ်ပညာသင်ကြားရေး အဖွဲ့က သုတေသနဘာသာပြန်နှင့် စာအုပ်ထုတ်ဝေရေးဌာန ဌာနမှူးဆရာတော်အား ယခင် ရှိပြီးဖြစ်သည့် မဟာကျမ်းပြုလက်စွဲစာအုပ်ကိုအခြေခံ၍ ရေးသားပြုစုရန်တာဝန်ပေးအပ်ခဲ့ပါသည်။

အဆိုပါတာဝန်ပေးချက်အရ မဟာဝိဇ္ဇာကျမ်းပြုလက်စွဲမူကြမ်း အတည်ပြုနိုင်ရေး ညှိနှိုင်း အစည်းအဝေးကို ၃-၃-၂၀၂၄ ရက်နေ့တွင် နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)၊ မဟာဘွဲ့နှင်းသဘင်ခန်းမ၌ ကျင်းပပြုလုပ်ခဲ့ရာ ပါမောက္ခချုပ်ဆရာတော်အမှူးပြုသော ဒုတိယ ပါမောက္ခချုပ်ဆရာတော်(သင်ကြား)၊ ပါမောက္ခ/ဌာနမှူးဆရာတော်များ၊ တွဲဖက်ပါမောက္ခ ဆရာတော်များ၊ ကထိကဆရာတော်များ၊ လက်ထောက်ပိဋကတ်တိုက်မှူးဆရာတော်များနှင့် ပြင်ပ ပညာရှင်ဆရာကြီးများက အခန်း ၈ ခန်းပါဝင်သော မဟာဝိဇ္ဇာကျမ်းပြုလက်စွဲစာအုပ်မူကြမ်း၏ အကြောင်းအရာ၊ အချက်အလက်များကိုပြင်ဆင်ဖြည့်စွက် အတည်ပြုနိုင်ရေးအတွက် ညှိနှိုင်းဆွေးနွေး ခဲ့ကြောင်း သိရှိရသည်။

နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)၊ အဘိဓမ္မပိဋကမဟာဌာန၏ ဆဋ္ဌမအကြိမ် စာတမ်းဖတ်ပွဲအခမ်းအနားကို ၂၃-၂-၂၀၂၄ ရက်နေ့တွင် တက္ကသိုလ် မဟာဘွဲ့နှင်းသဘင်ခန်းမ၌ ကျင်းပ ပြုလုပ်ခဲ့ရာ ဒုတိယပါမောက္ခချုပ်(သင်ကြား/စီမံ)ဆရာတော်များအမှူးပြုသည့် ပါမောက္ခ/ဌာနမှူး ဆရာတော်များ၊ သင်တန်းသားသံဃာတော်များ၊ ပန်းတစ်ပွင့်တောင် သာသနာပြုဗုဒ္ဓတက္ကသိုလ်မှ သံဃာတော်များ၊ ဆေကဝတီဗုဒ္ဓတက္ကသိုလ်မှ သီလရှင်ဆရာလေးများ၊ ပြင်ပပညာရှင်ဆရာကြီး များနှင့် ဌာနခွဲမှ ညွှန်းကြားရေးမှူးအဆင့်ဆင့်တို့ တက်ရောက်ခဲ့ကြသည်။

စာတမ်းဖတ်ပွဲအခမ်းအနားတွင် စာတမ်းရှင်သံဃာတော်များ တင်သွင်းသည့် စာတမ်း(၁၃)စောင်ကို ဖတ်ကြားခဲ့ပြီး တက်ရောက်လာသူများက မေးမြန်းသော စာတမ်းနှင့်ပတ်သက်သည့် သိလိုသည် များကို ဆွေးနွေးဖြေကြားခဲ့ကြောင်း သိရှိရသည်။